Frítøka fyri uttanlandsinntøku, hækking av bundna inngjaldinum og javnbjóðis kapping millum eftirlønarveitarar

Uppskot til løgtingslóg um broyting í løgtingslóg um eftirløn(eftirlønarlógin)(Frítøka fyri uttanlandsinntøku, hækking av bundna inngjaldinum og javnbjóðis kapping millum eftirlønarveitarar)

Mælt verður til tríggjar ymiskar broytingar:

1. Eftirlønargjald av uttanlandsinntøku verður sjálvboðið.

Mælt verður til, at inntøka verður frítikin fyri bundna eftirlønargjaldið í teimum førum, har arbeiðsgevarin er útlendskur, og arbeiðið fer fram uttanlands.

2. Bundna inngjaldið hækkar aftur.

Undanfarna samgonga lækkaði bundna inngjaldið úr 15% niður í 12%. Lækkingin var í nógvar mátar óheppin, og mælt verður tí til at hækka inngjaldið aftur.

3. Tryggja javnbjóðis kapping millum eftirlønarveitarar.

Felagið peningastovnar hevur víst á, at peningastovnar – og tey sum spara upp til eftirløn í peningastovnum – sambært galdandi reglum eru fyri mismuni. Mælt verður til somu treytir fyri peningastovnar sum fyri aðrar eftirlønarveitarar.

Eftirlønarlógin