Arbeiðsøki

Ráðið er fyrisiting hjá landsstýriskvinnuni fyri málsøkini samsvarandi galdandi málsøkjabýti løgmans. Høvuðsmálsøkini eru: talgilding, búskaparmál, fíggjarmál, skatta- og avgjaldsmál, lønarmál, kommunal fíggjarmál og hagfrøðismál.

Virkisøkini hjá landsstýriskvinnuni eru skipað í stovnunum:

•  TAKS - skatta- og avgjaldsmál
•  Gjaldstovan - fíggjarmál, kommunal fíggjarmál, lønarmál og talgilding
•  Hagstovan - hagfrøðismál
•  Landsbankin - búskaparmál og fíggjarmál (láns- og íløgurøkt)

Høvuðsuppgávurnar hjá Fíggjarmálaráðnum eru:

•  at ráðgeva landsstýriskvinnuni
•  at málsviðgera
•  at evna til lógir, kunngerðir og reglugerðir
•  at samskipa tvørgangandi uppgávur
•  at vegleiða og hava eftirlit við stovnum og øðrum undir ráðnum

Fíggjarmálaráðið hevur m.a. hesar tvørgangandi uppgávurnar:

•  At gera uppskot til fíggjarlóg
•  At gera uppskot til játtanarkarmar
•  At skipa fyri lønarsamráðingum og at vera landsins arbeiðsgevari
•  At skipa fyri talgilding

Fíggjarmálaráðið er ovasti fyristingarligi myndugleiki hjá teimum stovnum, ið hoyra undir málsøkið hjá landsstýriskvinnuni í fíggjarmálum.