Jan Mortensen, sum hevur verið lønarstjóri síðan november 2016, gjørdist 67 ár í juni, og hevur í hesum sambandi ynskt at gevast sum stjóri.
Tann 1. september tekur Jan Sjóstein við sum fyribilssettur lønarstjóri, og Jan Mortensen heldur fram sum fulltrúi í Fíggjarmálaráðnum. Jan Sjóstein hevur drúgvar leiðsluroyndir sum fyrisitingarstjóri á einum av størstu stovnum landsins.
Í Fíggjarmálaráðnum eru vit takksom fyri drúgvu tænastuna hjá Jan Mortensen og fegnast um, at hann heldur fram sum fulltrúi í Fíggjarmálaráðnum. Eg vil takka Jan Mortensen fyri hansara stóra arbeiðið fyri landið seinastu 9 árini”, sigur Ruth Vang, landsstýriskvinna.