Fíggjarmálaráðið hevur sent lógaruppskot til hoyringar um at seta á stovn eina skaðanevnd fyri ferðsluvanlukkur.
Skaðanevndin skal kanna álvarsligar ferðsluvanlukkur og geva tilmæli til at betra um ferðslutrygdina og fyribyrgja líknandi óhappum. Uppskotið tekur støði í 0-hugsjónini um, at ongin skal doyggja ella fáa varandi mein í ferðsluni.
Leinkja til uppskotið á hoyringarportalinum hjá landsstýrinum er her:
Skaðanevnd fyri ferðsluvanlukkur - Fíggjarmálaráðið
Hoyringarfreistin er 5. februar 2025.