Fíggjarmálaráðið

Fíggjarmálaráðið er aðalráðið hjá landsstýrismanninnum í fíggjarmálum.

Høvuðsuppgávan hjá Fíggjarmálaráðnum er at veita landsstýrismanninum ráðharratænastu á teimum málsøkjum, sum landsstýrismaðurin umsitur, m.a. at ráðgeva landsstýrismanninum á fíggjarpolitiska, búskapar­politiska, skatta- og avgjaldspolitiska, peninga- og kredittmarknaðarpolitiska og lønarpolitiska økin­um, soleiðis at landsstýrismaðurin kann taka vælgrundaðar avgerðir.

Fíggjarmálaráðið samskipar annars tvørgangandi uppgávur á fíggjar- og búskaparpolitiska økinum.

Fíggjarmálaráðið fyriskipar landsins búskaparstýring og skapar grundar­lag fyri, at landsfyri­sitingin greiðir sínar uppgávur væl búskaparliga

Fíggjarmálaráðið er ovasti fyristingarligi myndugleiki hjá teimum stovnum, ið hoyra undir málsøkið hjá landsstýrismanninum í fíggjarmálum.